نصائح لتتعلم العزف على الغيتار أو تتحسن

1-استمع الى انواع مختلفة من الموسيقا:
الإستماع لأنواع مختلفة من الموسيقا بيخليك تطور مهارات جديدة متل الإيقاع rhythm والتأثيرات effects اذا حصرت نفسك بنوع واحد او نوعين رح تصير احادي البعد (بتعرف شي محدد مو موسع)

2-استمع الى ألات اخرى
انك تسمع بس غيتار رح تتطور بس من ناحية التوزيع على الغيتارphrasing والأرتام patterns حاول تسمع ألات تانية متل الطبل drums و بيانو piano او اي الة تانية

3-تعلم مع استاذ
كتير من العازفين بيبدأو بتعليم نفسهم بنفسهم (متلي انا) بس بعد فترة بيوصلوا لمرحلة ما بيعرفوا لوين يروحوا بعدها بس الأستاذ بيحرص انو مايثير هالشي وبيخلي الطالب مشدود للتعليم ويتعلم بطريقة صحيحة وينظم اهدافه

4-تدرب على السلالم scales كمجموعة من النوتات
بدل ما تتدرب دائما على السلم scale تصاعدي وبالعكس تدرب عليه كمجموعة نوتات يعني نوتة من هون ونوتة من هون هيك بيصير التمرين احسن و مفيد اكتر لأن بالنهاية لما بدك تتعلم Lick على شي سلم scale ما راح تكون متل السلم رح تكون نوتة من هون ونوتة من هونيك

5-حاول تتدرب على الإيقاع
التدريب على الإيقاع مفيد وخاصة للمبتدئين يعني مسك كم كورد chord وخليك عم تعزفهم بشكل متتالي متل لما مثلا بتسمع اغنية وبتلاقي رجلك عم تتحرك بحركات محددة بشكل تلقائي هاد هو الإيقاع

6-تعلم كوردات كتير
الكوردات مفيدة جدا وهي تقريبا اساس الغيتار وبتفيد بالعوف سواء قيادي Lead او ايقاع rhythm وحاول مو دائما تتعلم كوردات جديدة حاول تتعلم طرق جديدة لعزف الكوردات الي بتعرفها لأنها بتساعدك اكتر بالعزف

7-طور طريقة الـ Picking بإيدك اليمنى
دائما منتدرب على اليد اليسرى لتبديل الكوردات والسلالم ........ بس ممنسى ندرب الإيد اليمين وهي مهمة متل الإيد اليسار وحاول دائما تستخدم الـalternate picking (شرح عن الـalternate picking)

8-أستخدم الmetronome
metronome اداة مفيدة حتى تخلي توقيتك جيد وتعرف سرعتك اذا عم تزيد أو لأ

9- دائما خلي غيتارك مدوزن in tune
اذا كنت دائما عم تعزف in tune (مدوزن) بخلي سمعك يتحسن للموسيقا و مع الوقت بتصير بتدوزن غيتارك بدون tuner الكتروني

10-عين لنفسك اهداف
انك تحدد اهداف وتمشي عليها شي مفيد كتير وخصوصا حتى تعرف انك عم تتقدم أو لأ

11-شاهد عازفي غيتار
واحدة من اهم الطرق وبصراحة الي بتخلي كتير من الناس يعزفوا على الغيتار هي لما بيشوفوا حفلة او شخص عم يعزف لايف Live وانتبه كيف عم يحركوا اصابعهم شو الغيتارات والأدوات الي عم يستخدموها

12-خلي حواليك عازفين غيتار جيدين
انضم لفرقة للتدريب او اي حدا عازف جيد بتعرفه خليك حواليه بتتعلم منه كتير اسأله اسئلة حاول تقلده شو عم يعمل

13-اعزف ضمن فرقة
حاول تنضم لفرقة مشان تعزفوا سوا لأن العزف الجماعي بيعلمك كتير شغلات اهمها كيف توقت العزف وتتعلم كيف تعزف اغاني بشكل كامل مو متل لما بتتدرب لحالك لأن بالفرقة لازم يكون في تزامن مع الكل

14-ادرس تاريخ الغيتار
تاريخ الغيتار بيفيدك كمعلومات عامة وحتى تعرف مين كان بيعزف النوع الي انت بتفضله ممكن تستمع و تستفيد منه

15-حاول انك تدرس الغيتار
حتى لو كنت مبتدأ بس بتعرف شوي حاول انك تعلم حدا لأن انت ممكن تكون مفكر بتعرف شي بشكل كامل فممكن يفاجئك طالبك بسؤال هاد الشي بيفيدك لأن رح تجيك اسئلة غير متوقعة ما بتعرف اجابتها

16-تعلم الموسيقى النظرية music theory
كله شي بتعزفه من كوردات وسلالم chords and scales اساسه نظري والموسيقى النظرية بتعلمك ليش هاد اللحن متوافق مع هداك او ليش ما متوافق بتورجيك اساس كل شي بعالم الموسيقا وبدونها ما بتنتقل لمرحلة اعلى بعزفك

17-تعلم تقرأ النوتة الموسيقية
طبعا هي شي مهم فمثلا بحثت عن اغنية ولقيت النوتة تبعها لازم تعرف تقرأ النوتة حتى تعزف الأغنية طبعا اذا كنت ما بتقدر تعزف سماعي by ear

18- تعلم اسماء النوات على الـfret board
مهم جدا انك تعرف النوات على غيتارك خصوصا الوتر الخامس والسادس E&A مشان السلالم scales والبار كورد barre chords

19-سجل عزفك
انت و عم تتدرب حاول تسجل عزفك حتى بعد ما تخلص تمرين تسمعه وتشوف و ين نقاط ضعفك هي الطريقة فادتني شخصيا كتير

20-اشتغل على نقاط ضعفك
انا من فترة كنت ما بعرف بدل بين الكوردات وكنت دائما اهملهم بس بعدين صرت اتدرب عليهم وعلى كل شي ضعيف فيه وحاول دائما تتدرب على نقاط ضعفك مو على الشي الي انت جيد فيه

21-حاول تتدرب عالبطيء
طريقة مفيدة جدا جدا انك تتدرب على البطيء لأن كتير نظريات اثبتت انو كلما تدربت ببطء اكبر بتحسن تعزف بشكل اسرع لأنك لما بتدرب ببطء بتخلي عقلك يدرس حركاتك كيف لازم تكون

22-لا تقارن نفسك مع عازفين غيتار تانيين محترفين
دائما في عازفين افضل منك و عازفين انت افضل منهم حاول دامئا تتدرب بشكل افضل وتتعلم و تعلم


منقوووووووووووووووووووووووووووووووووول من موقع أخرررررررررررررر...........